Boazodoalu ealliguovdasaš doarjja – jagi 2021 ohcanráva

Boazodoalu hárjeheaddjiide mieđihuvvo ja máksojuvvo ealliguovdasaš doarjja eana- ja šaddogárdedoalu našuvnnalaš doarjagiin addojuvvon lága vuođul.

Doarjja máksojuvvo boazodoalu hárjehan borramušgácciide (doarjjaguovllut C3 ja C4) boazodoallojagi 2020/2021 gárvvistuvvon boazologahallamiidda merkejuvvon ealihanbohccuid lohkomeari vuođul. Borramušgáccis galget leat bohccot boazodoallojagi nogadettiin (31.5.2021) unnimustá 50 ealihanbohccon. Doarjaga oažžuma gáibádussan lea, ahte doarjaga oažžu doallá rehketdoalu su hárjehan boazodoalu sisaboađuin ja olggosgoluin.

Doarjja ii máksojuvvo daid ealihanbohccuin, mat mannet badjel oasálaččaid dahje bálgosiid guovdu badjel stuorimus boazologuin mannan ealihanbohccuid meriid dahje maid oasálaš livččii galgan njuovvanplána mielde njuovvat.

1. Doarjaga ohcan

Sáhtát ohcat boazodoalu ealliguovdasaš doarjaga elektrovnnalaččat Vipu-bálvalusas https://vipu.ruokavirasto.fi čuoggás Boazodoalu doarjja dahje skoviin 227 Ohcamuš boazodoalu doarjagis. Daga árbeoami ohcamuša báhpáriin.  

Oza doarjaga maŋimustá 1.9.2021. Elektrovnnalaš ohcan lea dalle rabas dmu 23.59 rádjai. Jus guođát ohcamušat báhpáriin, máhcat skovi 227 maŋimustá 1.9.2021 poastta dahje šleađgapoastta bokte diibmu 23.59 rádjai Lappi EBI-guovddážii. Diibmoáigi mearrašuvvá Suoma áigeavádaga mielde, mii lea UTC+2 ja geasseáigge UTC+3.

Poastta bokte boahtán ohcamuš gehččojuvvo rivttes áigge máhcahuvvon, jus ohcamuša sisttisdoallan poastasádden lea steampilastojuvvon maŋimustá ohcanbeaivve 1.9.2021 ja ohcamuš lea čujuhuvvon Lappi EBI-guovddážii.

Ohcan- ja deavdinrávvagat

Sáhtát lohkat ohcanrávvagiid ja printet sihke rávvaga ja bábir ohcanskovi Biebmodoaimmahaga neahttasiidduin ruokavirasto.fi/porotalouden tuki, dahje bivdit ohcanskovi Lappi EBI-guovddážis. Ohcamuša deavdinráva gávdno skovis.

Elektrovnnalaš ohcamuša deavdinrávvagat gávdnojit Boazodoalu doarjja - Vipu-geavaheaddji ráva. Ráva gávdno maiddái Vipu-bálvalusa Elektrovnnalaš áššiid dikšun – Boazodoalu ealliguovdásaš doarjja –siiddu badjeravddas lean Deavdinrávvagat-liŋkkas.  

Árbeoami áššiid dikšun

Árbeoapmi gáhččojuvvo borramušgázzin ja dat sáhttá ohcat ealliguovdasaš doarjaga. Jápminbeasi ohcamuš galgá dahkkot báberskoviin 227. Ohcamuša mielddusin galgá laktit árbeoami árbegirjji ja váldegirjjiid árbeoami oasálaččain. Almmut ohcci dieđuin lean jápminbeasi nama ja Y-dovddaldaga. Ohcamuša dieđuin, almmut árbeoami borramušgácci dieđuin juogo persondovddaldagain dahje Y-dovddaldagain, dan mielde goappá dovddaldagain boazomearit leat almmuhuvvon boazologahallamis.

Ohcamuša maŋŋoneapmi

Maŋŋonan ohcamuš hilgojuvvo.

Mildosiid máhcaheapmi maŋálgihtii ii mielddisbuvtte ohcamuša hilguma. Doarjja ii goittotge mieđihuvvo ovdalgo máhcahat gáibiduvvon mildosiid. Boazodoalu ealliguovdasaš doarjagis bákkolaš mielddus lea boazodoalu boađusrehkenastin (POMU).

Ohcamuša feaillaid divvun

Sáhtát ohcanáigge rievdadit ja divvut ohcamušat dárbbu mielde. Go divut elektrovnnalaččat sáddejuvvon ohcamuša, šluhtte vuos árabut sáddejuvvon ohcamuša ja divo dieđuid. Muitte sáddet ohcamuša ođđasit.

Bábir hámis guđđojuvvon ohcamuša sáhtát divvut ohcanáigge ođđa ohcamuša guođđimiin. Ođđa ohcamuš buhtte árabut sáddejuvvon ohcamuša.

Jus fuobmát ohcanáiggi nohkama maŋŋá, ahte ohcamušas lea feaila dahje rievdan feaillalažžan, almmut das dakkaviđe girjjálaččat Lappi EBI-guovddážii.

Ohcamuša eret geassin

Sáhtát šluhttet elektrovnnalaš ohcamuša Vipu-bálvalusas ohcanáiggi siste. Báhpáriin guđđojuvvon ohcamuša sáhtát šluhttet ohcanáigge go almmuhat šluhttemis friddjahámi girjjálaš almmuhusain.

Ohcanáiggi maŋŋá sáhtát šluhttet sihke elektrovnnalaš ja bábir hámis sáddejuvvon ohcamuša friddjahápmásaš almmuhusain Lappi EBI-guovddážii. Ohcamuša šluhttema maŋŋerádjá lea doarjaga máksindáhpáhus.

Nuppástusaid almmuheapmi

Don galggat almmuhit doaimmas dáhpáhuvvan nuppástusain 15 bargobeaivvi siste dáhpáhusas girjjálaččat Lappi EBI-guovddážii.

2 Ohcci gáibádusat

Doarjaga ohcci ahkegáibádus

Ohccin lunddolaš olmmoš

Doarjaga ohcci ja su beallelaš galget leat doarjjajagi ovddit kaleandarjagi beaivvi rádjai leat unnimustá 18-jahkásaš. Vuollel 18-jahkásažžii doarjaga sáhttá mieđihit, jus

  • son hárjeha boazodoalu ovttasoamasteaddjin dahje ovttas vánhemiiguin/nuppiin sudnos dahje
  • doarjaga mieđiheapmái leat eará sierra sivat.

Almmut sierra siva ohcamuša lassedieđuin.

Ohccin árbeoapmi

Go doarjjaohccin lea máŋgga lunddolaš olbmos šaddan árbeoapmi, unnimustá okta olmmoš galgá doarjjajagi ovddit kaleandarjagi maŋimuš beaivve leat unnimustá 18-jahkásaš ja hárjehit boazodoalu ieš.

3 Doarjaga mieđiheapmi

Doarjaga mieđiheapmi gáibádussan lea, ahte borramušgázzái gullevaččat oamastit boazologahallamiid mielde boazodoallojagi nogadettiin 31.5.2021 oktiibuot unnimustá 50 ealihanbohcco.

Doarjja ii mieđihuvvo bálgosii dahje oasálažžii mearriduvvon stuorimus ealihanboazomeriid liigemearis. Doarjja ii mieđihuvvo maiddái daid ealihanbohccuin, maid oasálaš livččii galgan bálgosa dohkkehan jahkásaš njuovvanplánaid mielde njuovvat. Jus borramušgáccis njuovakeahttá guođđán bohccuid mearri manná badjel 3 proseantta ohcamušas lean ealihanbohccuid mearis, doarjja ii mieđihuvvo borramušgázzái olláge.

Doarjaga ohcan

Sáhtát ohcat doarjaga borramušgácci buot oasálaččaid bohccuin.

  1. boazologahallama dieđuid mielde

jus ozat boazologahallama boazomeriid mielde, dalle it dárbbaš almmuhit boazomeriid ieš. Ruossa čuoggái Ozan boazologahallama mielde lea doarvái. Lappi EBI-guovddáš oažžu boazologahallama bálgosiin.

  1. eará go boazologahallama boazomeriin

Boazodoalu boađusrehkenastin

Doarjjaohccin don galggat ieš doallat rehketdoalu du hárjehan boazodoalu sisaboađuin ja olggosgoluin. Boazodoalu boađusrehkenastin lea ohcamuša bákkolaš mielddus.

4 Ohcamuša mildosat

Máhcat ohcamuša mielde álo boazodoalu boađusrehkenastima ja

  • borramušgácci dievas agis lean oasálaččaid váldegirjjit, jus ozat doarjaga borramušgácci dievas agis lean oasálaččaid bohccuin. Borramušgácci vuolleahkásaš bohccuid oamastan oasálaččaid váldegirjjiid ii dárbbaš laktit ohcamuša mielddusin.
  • árbeoami árbegirji ja oasálaččaid váldegirjjit, jus ohccin lea árbeoapmi
  • boazogávppiid gávpegirjjit, jus leat dahkan boazogávppiid boazologahallama nannema maŋŋá ja ozat doarjaga eará eriin go boazologahallama boazomeriin

5 Doarjaga máksin ja doarjjadássi

Boazodoalu ealliguovdasaš doarjaga sáhttá máksit eanemustá 28,50 euro ealihanbohcco guovdu.

Almmá ákkaid máksojuvvon doarjja

Almmá ákkaid dahje feaillalaččat máksojuvvon doarjja berrojuvvo ruovttoluotta. Doarjaga mieđihan Lappi EBI-guovddáš mearrida gullanmeannudeami maŋŋá doarjaga ruovttoluotta bearramis.

Du ožžon doarjja berrojuvvo ruovttoluotta, jus doarjaga mieđiheami dahje máksima ákkat eai leat dievvan dahje leat addán feaillalaš dahje váilevaš dieđuid.

Ruovttoluotta berrojuvvon mearrái lasihuvvo reantolága mielde jahkásaš maŋŋonanreantu. Maŋŋonanreantu rehkenastojuvvo čuovvovaš áiggis: 60 beaivve ruovttoluotta bearrama mearrádusa dahkanáigemuttus dasa, go mávssat ruovttoluotta berrojuvvon supmi ruovttoluotta. Jus ruovttoluotta berrojuvvon supmi geahpeduvvo maŋŋelis máksojuvvon doarjagis, maŋŋonanreantu čoggo gitta doarjaga máksima rádjai.

6 Oktavuođadieđut

Lappi EBI-guovddáš

Galledančujuhus: Hallituskatu 3 B, Rovaniemi

Poastačujuhus: PL 8060, 96101 Rovaniemi

Telefonmolssa: 0295 037 000

Šleađgapoasta: kirjaamo.lappi@ely-keskus.fi

7 Boazodoalu ealliguovdasaš doarjaga guoskevaš mearrádusat

  • Láhka eana- ja šaddogárdedoalu našuvnnalaš doarjagiin (1559/2001, nuppástusaiguin)
  • Láhka eanadoalu doarjagiid ollašuhttimis (192/2013, nuppástusaiguin)
  • Státaráđi ásahus boazodoallojagis 2021/2022 máksojuvvon ealliguovdasaš doarjagis (585/2021)
  • Eana- ja meahccedoalloministeriija ásahus mearkabiriin ja stuorimus lobálaš boazomeriin (414/2020, nuppástusaiguin)
  • Biebmodoaimmahaga mearrádus boazodoallojagis 2021/2022 máksojuvvon ealliguovdasaš doarjaga ohcanáigemeriin ja ohcamis jagi 2021 (xx/2021)