Boazodoalliide máksojuvvo ealliguovdasaš doarjja eanan- ja šaddogárdedoalu našuvnnalaš doarjagiin addojuvvon lága (1559/2001) vuođul.
Doarjja máksojuvvo borramušgácciide, mat hárjehit boazodoalu (doarjjaguovllut C3 ja C4) boazodoallojagis 2022/2023 boazologahallamii merkejuvvon ealihanbohccuid logu vuođu. Borramušgáccis fertejit leat bohccot boazodoallojagi loahpas 31.5.2023 unnimusat 80 ealihanbohcco. Doarjaga oažžuma eaktu lea, ahte doarjjaoažžu doallá rehketdoalu su hárjehan boazodoalu sisaboađuin ja goluin.
Doarjja ii máksojuvvo dain ealihanbohccuin, mat rasttildit iešguđege osolaččaid dahje bálgosiid stuorimus lobálaš ealihanbohccuid meriid dahje maid osolaš livččii galgan njuovvanplána mielde njuovvat.
Doarjja máksojuvvo 35 €/ealihanboazu. Ruokavirasto (Biebmovirgedoaimmahat) máksá doarjaga dábálaččat ohcanjagi golggotmánus.
Sáhtát ohcat doarjaga elektrovnnalaččat dahje skoviin
Elektrovnnalaččat Vipu-bálvalusas
Sáhtát ohcat elektrovnnalaččat Vipu-bálvalusas čuoggás Boazodoalu ealliguovdasaš doarjja.
Oza doarjaga maŋimustá 7.9.2023. Elektrovnnalaš ohcan lea dalle rabas dmu 23:59 rádjái.
Don it sáhte ohcat doarjaga menddo maŋŋit. Lavtte ohcamuššii gáibiduvvon mildosiid. Doarjja ii máksojuvvo ovdal go máhcahat gáibiduvvon mildosiid.
Oaččut dieđuid elektrovnnalaš ohcamuša deavdimis Vipuohje-bálvalusas Boazodoalu ealliguovdasaš doarjja.
Skoviin 227
Sáhtát ohcat doarjaga skoviin 227. Ohcanrávvagiid ja ohcanskovi gávnnat Ruokavirasto neahttasiidduin Boazodoalu ealliguovdasaš doarjja dahje sáhtát bivdit daid Lappi Ealáhus-, johtolat- ja birasguovddážis (Lappi EJB-guovddáš).
Máhcat skovi 7.9.2023 EJB-guovddáža rabasáiggiid Lappi EJB-guovddážii. Oktavuođadieđut rávvaga loahpas.
It sáhte ohcat doarjaga maŋŋit. Lavtte ohcamuššii gáibiduvvon mildosiid. Doarjja ii máksojuvvo ovdal go máhcahat gáibiduvvon mildosiid.
Ohcan- ja deavdinrávvagat
Sáhtát lohkat ohcanrávvaga ja čálihit olggos sihke rávvaga ja báberohcanskovi Ruokavirasto neahttasiidduin ruokavirasto.fi/porotalouden-elainkohtainen-tuki, dahje bivdit ohcanskovi Lappi EJB-guovddážis. Ohcanskovi deavdinráva gávdno skovis.
Elektrovnnalaš ohcamuša deavdinráva gávdno Boazodoalu doarjja tuki – Vipu-käyttäjän ohje. Ráva gávdno maiddái Vipu-bálvalusa Elektrovnnalaš áššiiddikšun – Boazodoalu ealliguovdasaš doarjja -siiddu badjeravdda Täyttöohjeet-liŋkkas.
Doarjjaohcci
Doarjjaohcci ahkegáibádus
Ohccin lunddolaš olmmoš
Doarjjaohcci dahje su guoibmi galgá leat doarjjajagi ovddit kaleanddarjagi maŋimuš beaivve unnimusat 18-jahkásaš. Vuollil 18-jahkásažžii doarjja sáhttá mieđihuvvot, juos
- son hárjeha boazodoalu oktasašoamasteaddjin dahje ovttas vánhemiiddisguin/nuppiin vánhemiin dahje
- doarjaga mieđiheapmái leat eará erenomáš ákkat.
Almmut erenomáš ákka ohcamuša lassedieđuin.
Ohccin jápminbeassi
Go doarjaga ohcá moatti lunddolaš olbmo jápminbeassi, unnimusat okta olmmoš ferte leat doarjjajagi ovddit kaleanddarjagi maŋimuš beaivve unnimusat 18-jahkásaš ja hárjehit ieš boazodoalu.
Bargga jápminbeasi ohcamuša skoviin.
Jápminbeassi gávnnahuvvo borramušgázzin ja dat sáhttá ohcat boazodoalu doarjaga. Lavtte ohcamuššii jápminbeasi árbegirjji ja fápmudusaid jápminbeasi osolaččain. Almmut ohcci dieđuin jápminbeasi nama ja Y-dovddaldaga. Ohcamuša dieđut -čuoggás, dieđit jápminbeasi persovdnadovddaldagain dahje Y-dovddaldagain, dan mielde goappá dovddaldagain boazologut leat almmuhuvvon boazologahallamis.
Molssaeavttut doarjaga ohcamii
Sáhtát ohcat doarjaga borramušgácci buot osolaččaid bohccuin:
Boazologahallama dieđuid mielde
- Juos ozat boazologahallama boazologuid mielde, don it dárbbaš almmuhit boazologuid ieš. Merke ruossain čuoggá ozan boazologahallama boazologu mielde ja dat lea doarvái. Lappi EJB-guovddáš oažžu boazologahallama bálgosiin.
Eará dieđuiguin go boazologahallama boazolohkodieđuiguin
- Sáhtát ohcat doarjaga maiddái eará logu go boazologahallama meari vuođul. Almmut boazologuid ohcamušas ja lavtte mielde dárbbašlaš čilgehusa, ovdamearkka dihtii gávpegirjji. Boazodoallojagi áigge dahkkojuvvon boazogávppit sáhttet váldojuvvot vuhtii doarjaga mieđiheamis.
Ohcamuša mildosat
Máhcat ohcamuša mielde álo boazodoalu boađusrehkenastima ja
- borramušgácci dievasahkásaš osolaččaid fápmudusaid, juos ozat doarjaga borramušgácci dievasahkásaš osolaččaid bohccuin. Borramušgácci vuolláiahkásaš boazoeaiggádiid fápmudusa ii dárbbaš laktit ohcamuša mielddusin.
- Jápminbeasi árbegirjji ja osolaččaid fápmudusaid, juos ohccin lea jápminbeassi
- boazogávppiid gávpegirjjiid, juos leat dahkan boazogávppiid boazologahallama nannema maŋŋá ja ozat doarjaga eará supmiin go boazologahallama boazologuin
Juos máhcaha mildosiid ohcanáiggi maŋŋá, ohcamuš ii hilgojuvvo dan dihte. Doarjja ii goittotge mieđihuvvo ja máksojuvvo ovdal go máhcahat gáibiduvvon mildosiid. Boazodoalu ealliguovdasaš doarjagis bákkolaš mielddus lea boazodoalu boađusrehkenastin (POMU).
Ohcamuša nuppástuhttin dahje eretgeassin
Sáhtát doarjjaohcama maŋŋá geassit olles ohcamuša eret dahje nuppástuhttit dan, jus fuomášat, ahte leat almmuhan ohcamušas feaillalaš dieđuid dahje dilis leat dáhpáhuvvan dakkár nuppástusat, mat dagahit ohcamuša feaillalažžan.
Almmut ohcamuša nuppástuhttimis ja oassálas dahje olles eretgeassimis čálalaččat ovdamearkka dihtii e-poasttain Lappi EJB-guovddážii.
Doarjja mieđiheapmi
Doarjja sáhttá mieđuhuvvot, go borramušgácci lahtut oamastit boazologahallamiid mielde boazodoallojagi loahpas 31.5.2023 oktiibuot unnimustá 80 ealihanbohcco.
Doarjja ii mieđihuvvo bálgosiidda dahje osolažžii, jus mearriduvvon stuorimus lobálaš ealihanboazolohku rasttilduvvo. Doarjja ii maiddái mieđihuvvo dain ealihanbohccuin, maid osolaš livččii bálgosa dohkkehan jahkásaš njuovvanplána mielde njuovvat. Juos borramušgáccis njuovakeahttá guđđon bohccuid mearri rasttilda 3 % ohcamuša ealihanbohccuid mearis, doarjja ii mieđihuvvo borramušgázzái ollenge.
Ohcanskovi máhcahančujuhus
Lappi EJB-guovddáš
Lapin ELY-keskus
Galledančujuhus: Hallituskatu 3 B, Rovaniemi
Poastačujuhus: PL 8060, 96101 Rovaniemi
Telefonmolssa: 0295 037 000
E-poasta: kirjaamo.lappi@ely-keskus.fi