Oahpásmuva ovdal ohcamuša dahkama doarjaga eavttuide. Lassidieđuid doarjaga ohcamis gávnnat maiddái čujuhusas ruokavirasto.fi/porotalouden-elainkohtainen-tuki.
Oza boazodoalu ealliguovdasaš doarjaga Vipu-bálvalusas Elektrovnnalaš áššiid diškumis maŋimustá 7.9.2023. Ohcan nohká dmu 23.59. Máinnašuvvon diibmoáigi mearrašuvvá Suoma áigeavádaga, mii lea UTC+2 ja geasseáigge UTC+3.
Jus ie hálit ávkkástallat elektrovnnalaš Vipu-bálvalusa dahje doarjjaohccin lea árbeoapmi, sáhtát ohcat doarjaga báberskoviin 227. Máhcat báberskovi ja dárbbašlaš mildosiid Lappi EBI-guovddážii 7.9.2023 rádjai.
Doarjaga ohcan
Álggat boazodoalu ealliguovdasaš doarjaga ohcama elektrovnnalaččat rahpamiin Vipu-bálvalusas ovdasiiddu. Álggat sisa čáliheami Vipu-bálvalussii deaddilemiin boalu Elektrovnnalaš identifiserema. Dát doalvu du Suomi.fi-identifiseremii mas registreret bálvalussii.
Vállje du háliidan identifiserenvuogi ja atte identifiseremis dárbbašlaš dieđuid. Go identifiseren lihkostuvvá, beasat Vipu-bálvalusa ovdasiidui.
Elektrovnnalaš identifiseren liŋkkas rahpasa Eana- ja meahccedoalloministeriija hálddahussuorggi áššiiddikšunbálvalus. Dás sáhtát válljet du háliidan identifiserenvuogi ja addit dárbbašlaš dieđuid.
Áššiiddikšunbálvalus almmuha mat dieđut dus sirdojuvvojit identifiserema oktavuođas.
Identifiseren addá almmuhusa ”Leat identifiseremin Eana- ja meahccedoalloministeriija áššiiddikšunbálvalussii”, deaddil dás Joatkke bálvalussii -boalus.
Vállje Vipu-bálvalusa ovdasiiddus čuoggá Oza doarjagiid ja guođe almmuhusaid dahje Elektrovnnalaš áššiiddikšuma. Boazodoalu ealliguovdasaš doarjja –liŋkkas beasat ohcat doarjaga.
Deavdde buot bákkolaš dieđuid ohcamuššii, vai beasat vurket ohcamuša. Bákkolaš čuoggát leat merkejuvvon rukses násttiin.
Ohcci dieđut
Ohcci dieđut –gaskasiiddus doarjjaohccin lea olmmoš, guhte lea čálihan sisa Vipui. Jus ohcci báŋkokontonummir váilu, Vipu fuomášuhttá áššis. Seammás rahpasa báiki kontonummira almmuheapmái. Beasat ohcamušas ovddasguvlui easkka go leat almmuhan kontonummirat.
Ohcamuša dieđut
Borramušgácci lahtut listtus vuosttas olmmožin lea Vipu-bálvalussii sisa čálihan doarjjaohcci. Ohcamuša dieđuin navddusin lea, ahte ozat doarjaga boazologahallama čuvvon boazomeriid vuođul.
Jus ozat boazologahallamis sierra boazomeriin, vállje maŋimuš ceakkočuolddas Hábme. Boalus rahpasa ”Hábme borramušgácci lahtuid dieđuid” –oasi, mas beasat rievdadit dieđuid.
Spiehkastatdilis, mas boazomearit sáhtte rievdat leat ovdamearkan boazologahallama nannema maŋŋá boazodoallojagi dahkkon boazogávppit. Čále ákkastallamiid boazologahallamis spiehkkasan boazomeriide ja lasit dárbbašlaš mildosiid ovdal ohcamuša sáddema.
Lasit juohkehaš bohcco oamastan borramušgácci lahtu, gean bohccuin ozat ohcamušain doarjaga, čuoggás + Lasit ođđa lahtu sierra.
Vállje vuos, ozatgo lahtu boazologahallamiin lean boazomeari mielde vai it. Dan maŋŋá lasit lahtu nama ja persondovddaldaga. Jus čálát persondovddaldaga boastut, Vipu almmuha feaillas.
Válljedettiin Oza boazologahallama meari mielde, lasit dušše borramušgácci lahtu nama ja persondovddaldaga.
Jus válljejit, ”In oza boazologahallama mielde”, almmut lassin boazomeriid ja bálgosa. Lasit ákkastallamiid ja lavtte ohcamuššii mildosiid ovdal sáddema.
Mielddusfiillaid lasiheapmi ohcamuššii
Lavtte doarjjaohcamuššii boazodoalu boađusrehkenastima, mii lea bákkolaš mielddus. Jus ozat vuosttas geardde boazodoalu ealliguovdasaš doarjaga, boađusrehkenastima ii dárbbaš doaimmahit.
Jus ozat doarjaga eará borramušgácci dievas agis lean lahtuid beales, lavtte dáin dievas agis lean lahtuin váldegirjji. Lavtte mielde maiddái vejolaš boazogávppiid gávpegirjjiid, jus ozat doarjaga eará go boazologahallama meari mielde ja ákkastallamiin leat boazogávppit.
Vállje Liitteen tyyppi -fálus guđemuš mildosa lea laktime du ohcamuššii. Vállje porotalouden tuloslaskelma, valtakirja, perukirja, kauppakirja dahje muu liite.
Go leat válljen mildosa tiippa, beasat lasihit mildosa Bláđe – dahje Vállje fiilla -boalus. Rahpasa báhccanruvtto, man bokte sáhtát ohcat du mielddusin háliidan fiilla. Mielddusin dohkke dušše PDF-fiillas ja dan ednemušsturrodat lea 5 MB.
Vállje fiilla ja spoahkkal dan maŋŋá Raba-boalu. Báhccanruvtto giddana ja válljejuvvon fiilla boahtá oidnosii Lasihuvvon fiillat -báikái. Sáhtát jávkadit lasihuvvon fiilla Jávkat-boaluin.
Sáhtát sáddet elektrovnnalaš ohcamuša almmá boazodoalu boađusrehkenastinfiilla ja doaimmahit dan maŋŋeleappos báberhámis Lappi EBI-guovddážii. Doarjja ii mieđihuvvo almmá boazodoalu boađusrehkenastima.
Čoahkkáigeassu ja sádden
Čoahkkáigeassu ja sádden -gaskasiiddus sáhttá dárkkistit čoahkkáigeasu ohcamuša dieđuin, sádde ohcamuša gieđahallamii dahje šluhtte ohcamuša sáddema.
Čále Sáddema lassidieđut -čuoggái šleađgapoastačujuhusa dahje -čujuhusaid, maidda háliidat nannendieđu ohcamuša sáddemis.
Fuomášumit-čuoggás oainnát heivehusa addán fuomášumiid. Dárkkis fuomášumiid ovdal ohcamuša sáddema. Prográmma fuomášuhttá boazodoalu boađusrehkenastimis álo, vaikke livččetge laktán dan jo ohcamuššii.
Čoahkkáigeassu-čuoggás oainnát ohcamuša čoahkkáigeasu ja ohcamuššii almmuhuvvon dieđuid.
Mildosat-čuoggás oainnát ohcamuššii laktojuvvon mildosiid.
Sáhtát čálihit čoahkkáigeasu dieđuid dárkkisteapmin siiddu badjeravddas lea Čálit čoahkkáigeasu -boalus.
Čálihuvvon ovdadárkkistanveršuvnnas oainnát ohcamušain almmuhuvvon dieđuid.
Go leat dárkkistan, ahte ohcamuša dieđut leat riekta, leat laktán ohcamuššii dárbbašlaš mildosiid ja leat lasihan šleađgapoastačujuhusa nannendieđu várás, sádde ohcamuša Sádde gieđahallamii -boalus
Oaččot nannendieđu šleađgapostii ohcamuša sáddemis. Vipu jearrá vel sáddema maŋŋá nannema ja almmuha, jus skovis leat fuomášuhttimat. Vipu muittuha maiddái ohcamuša bákkolaš mildosis, boazodoalu boađusrehkenastimis.
Nanne ohcamuša sáddema Sádde-boalus.
Nanne sáddema-nannemis boahtán muittuhusa mildosiid sáddemis álo, vaikke mildosat leat mielde.
Oahpásmuva ovdal ohcamuša dahkama doarjaga eavttuide. Lassidieđuid doarjaga ohcamis gávnnat maiddái čujuhusas www.ruokavirasto.fi/porotalouden tuki.
Oza boazodoalu ealliguovdasaš doarjaga Vipu-bálvalusas Elektrovnnalaš áššiid diškumis maŋimustá 7.9.2023. Ohcan nohká dmu 23.59. Máinnašuvvon diibmoáigi mearrašuvvá Suoma áigeavádaga, mii lea UTC+2 ja geasseáigge UTC+3.
Jus ie hálit ávkkástallat elektrovnnalaš Vipu-bálvalusa dahje doarjjaohccin lea árbeoapmi, sáhtát ohcat doarjaga báberskoviin 227. Máhcat báberskovi ja dárbbašlaš mildosiid Lappi EBI-guovddážii 7.9.2023 rádjai.
