Bivdde cealkámuša dahje soabadallama čálalaččat. Earenoamáš siva geažil sáhttet miehtat dasa, ahte ášši biddjojuvvo johtui njálmmálaččat. Bivdaga sáhttá dahkat bálggus, eananeaiggát dahje hálddašeaddji dahje vahága gillájeaddji dahje eará olmmoš, gii lea vuoigadahttojuvvon oažžut buhtadusa.
Bargga gieđahallanbivdaga mielčuovvu skoviin, dahje friijahámis šleađgaboasttain dahje reivviin.
Almmut gieđahallanbivdagis čuovvovaš áššiid:
- Oassebeliid namaid ja oktavuođadieđuid.
- Dárbbašlaš dieđuid áššis, masa cealkámušbivdda dahje soabadallan guoská.
- Goas ja mo almmuhus vahágis lea dahkkon bálgosii.
- Vejolaš miehtan soabadallamii ja nuppi oassebeali miehtan soabadallamii, juos dat lea du dieđus.
Sádde cealkámuš- dahje soabadallanbivdaga šleađgapoasttain dahje poasttain.
Oktavuođadieđut
Porovahinkolautakunta
Ruokavirasto
PL 200
00027 RUOKAVIRASTO
Vaihde 029 530 0400
Šleađgaboasta: kirjaamo@ruokavirasto.fi
Mávssut ja goasttádusat
Lávdegotti cealkámuša bivdimis ja soabadallanmeannudeamis berrojuvvo 250 euro. Cealkináššis rehket čujuhuvvo oassebeallái, gii lea bidjan ášši johtui. Soabadallanmeannudeamis ja cealkámušáššis, mas leat juksan soabadeami almmá soabadallama haga, rehket juohkašuvvá oassebeliid gaskan dássálagaid.
Oassebealit vástidit ieža iežaset goasttádusain.
Loga eambbo cealkámuš- dahje soabadallanmeannudeapmái laktáseaddji mávssuin Finlex-fierbmesiidduin.